川巴面館 (Closed)

老朋友喺外國返嚟陪佢行街，佢話要去旺角買波鞋，行咗成日街好攰，有啲口渴又肚餓，見到呢間一樓樓上鋪川巴麵館， 有麻辣粉食，又有台式茶飲，就上去歇下!樓上鋪地方寬敞，有很多座位 ，吧檯設於窗口位 ，可飽覽窗外旺角景色。 快餐形式先畀錢後取餐，麻辣粉似車仔麵可以自由加入喜愛配菜，分炸物、鍋物、蔬菜和小食！秘製麻辣薯粉加餐肉、扎肉、芽菜和雞髀菇。薯粉軟綿綿煙韌稠口，麻辣湯底可選辣度，揀了中 等麻辣勁度十足，但不嗆口，滿足嗜辣癮！正宗四川擔擔麵加肥牛、餐肉、魚皮餃和生菜。 麵質軟滑彈牙爽口， 湯底味濃 花生醬 中和辣度恰到好處。小食巴蜀手撕雞 必食推介 手撕雞 肉質鮮嫩清甜 陪伴上 秘製麻辣汁和芝麻 香氣四溢， 醒胃增食慾， 令人愈食愈想食！涼拌海帶清甜爽脆有嚼口，消滯減油膩，幫助消化 ，中和口腔麻辣感覺！