瘋狂小面 (佳德商業大廈)

Open Now

Now Closed

呢間川菜又係因為睇咗一位Youtuber既介紹之後莫名而來既，因為標榜呢度既係正宗川菜，雖然我都未去過四川食過真正既川菜，唔係好知真係點既味，不過都好想試一下呢度既川菜同出面有咩分別。因為睇咗有咩介紹，所以好快就叫咗好多嘢食。叫咗個瘋狂肥腸面($73)，佢有得揀白湯同紅湯，由於我哋都唔確定自己可以食辣既能力，就叫咗個白湯試下。雖然唔辣，但都無令我地失望，湯底好濃烈，個麵比較軟同偏幼身，唔同出面食到既麵，口感非常之好。啲腸都幾林，好爽口。再加錢叫咗啲小食，燒椒茄子($28)同棒棒雞($28)，本身以為係好細份既小食，點知嚟到就發現都唔小，茄子好香好滑，而棒棒雞雞肉好滑，不過對我嚟講雞就偏辣咗小小，我朋友比我食得辣啲就好鐘意。食食下朋友見到隔離枱食緊酸辣粉($73)，睇落好好食，又忍唔住叫咗碗嚟試下，朋友揀咗小辣，我都試咗小小嚟試下，未放到落口已經聞到好香，食落去辣度反而又無棒棒雞咁辣，都幾滿意。到我最期待既一道菜，就係呢個砵砵雞，我地叫咗二人前($238)，係分別有三十串素同肉，佢有得揀一個麻辣湯同藤椒湯底揀，其實嚟呢間餐廳最期待就係試呢個藤椒湯底，因為佢係我最鐘意既麻而不辣。嚟到職員就