Video
Read full review
2024-01-22
110 views
「八月茶室」喺尖沙咀新港中心開咗新分店，之前同朋友喺長沙灣店食過，晚飯小菜價錢合理，見今日凍冰冰，唔想煮飯，專登同屋企人過嚟開餐。餐廳主打川粵菜，裝修以月亮為主題，場內設有卡位和散座，擺檯闊落，佈置時尚，坐得好舒服。先嚟一客小食炸小饅頭 ($38) 金黃色澤，極之誘人，入口熱辣辣、脆卜卜，配煉奶吃，絕對無得輸。天氣寒冷，最啱就係食返個雙冬黑草羊腩煲 ($138)，附唐生菜一份，加多一碟亦只須+$20。羊腩選用了黑草羊，肉質飽滿，肥美肉嫩，入口羊羶味唔會太重。配料有冬菇、馬蹄同冬筍，夾埋索晒汁嘅枝竹同生菜一齊食，夠晒惹味。芝麻黑糖醋骨 ($80) 糖醋骨賣相好吸引，面頭灑上了少許白芝麻，入口甜甜地又帶點黑醋酸香，而且最正就係外層仲保持住炸過嘅香口，但食落又唔會油冧冧。黃金脆皮蝦球 ($96) 鹹蛋黃包裹住大大隻蝦，外層粉漿好薄，內裡蝦肉爽彈，入口香噴噴，滋味咸鮮，超讚。點小菜 +$12 可配白飯及例湯，今日嘅例湯係南瓜粟米紅蘿蔔煲豬骨，真材實料，清甜味美，營養豐富，非常適合一家大細飲用。
「八月茶室」喺尖沙咀新港中心開咗新分店，之前同朋友喺長沙灣店食過，晚飯小菜價錢合理，見今日凍冰冰，唔想煮飯，專登同屋企人過嚟開餐。
餐廳主打川粵菜，裝修以月亮為主題，場內設有卡位和散座，擺檯闊落，佈置時尚，坐得好舒服。
先嚟一客小食炸小饅頭 ($38) 金黃色澤，極之誘人，入口熱辣辣、脆卜卜，配煉奶吃，絕對無得輸。
天氣寒冷，最啱就係食返個雙冬黑草羊腩煲 ($138)，附唐生菜一份，加多一碟亦只須+$20。
羊腩選用了黑草羊，肉質飽滿，肥美肉嫩，入口羊羶味唔會太重。配料有冬菇、馬蹄同冬筍，夾埋索晒汁嘅枝竹同生菜一齊食，夠晒惹味。
芝麻黑糖醋骨 ($80) 糖醋骨賣相好吸引，面頭灑上了少許白芝麻，入口甜甜地又帶點黑醋酸香，而且最正就係外層仲保持住炸過嘅香口，但食落又唔會油冧冧。
黃金脆皮蝦球 ($96) 鹹蛋黃包裹住大大隻蝦，外層粉漿好薄，內裡蝦肉爽彈，入口香噴噴，滋味咸鮮，超讚。
點小菜 +$12 可配白飯及例湯，今日嘅例湯係南瓜粟米紅蘿蔔煲豬骨，真材實料，清甜味美，營養豐富，非常適合一家大細飲用。
Post
