Video
Read full review
2020-04-05
1163 views
今晚好朋友同小妹食生日飯😆, 好朋友知道小妹好中意食辣所以就揀左E間川菜一齊試下😋😋 E間餐廳都幾近灣仔地鐵站🚇所以都算幾易搵, 一入去店員會幫你量體溫🌡, 每張枱都擺左枝細細嘅消毒酒精, 幾貼心! 餐廳裝潢以黑色配暗色為主, 走型格時尚路線, 非常有格調!前菜睇得出前菜嘅擺盤已經幾有心機, 入面有枝豆, 泡菜, 花生🥜同川味爆谷🌶🍿, 每款味道都唔錯!Strawberry Smash 🍓🍹Mocktail用左新鮮士多啤梨, 紅莓, 青檸同薑啤而成的, 入口微酸帶清新嘅口感, 令人食慾大增!青谷之梅極上梅酒🥃梅味幾香濃, 味道剛剛好唔太甜燈影牛肉🏮🐂燈影牛肉係四川四大名產之一, 工序同烹飪方法都十分講究, 牛肉片薄如紙, 色澤紅亮, 係燈光下近乎透光而且清晰睇到絲絲紋理! 牛肉味濃郁, 乾身鮮香, 麻辣同肉香平衡有序, 齒頰留香, 佐酒一流🥃! 極度推介!😋👍🏻自家製川北涼粉🍜川北涼粉明而不透, 細緻軟綿, 口感爽滑, 加埋微辣醬汁, 十分醒胃☺️家鄉燻臘肉胡椒餅用左全世界最名貴嘅貢布胡椒同自家製嘅臘肉而成的, 咬落去熱辣辣幾juicy而且餡料幾多!😯灌汁小籠包小籠包配左兩枝滴管比你,
前菜
睇得出前菜嘅擺盤已經幾有心機, 入面有枝豆, 泡菜, 花生🥜同川味爆谷🌶🍿, 每款味道都唔錯!
Strawberry Smash 🍓🍹
Mocktail用左新鮮士多啤梨, 紅莓, 青檸同薑啤而成的, 入口微酸帶清新嘅口感, 令人食慾大增!
青谷之梅極上梅酒🥃
梅味幾香濃, 味道剛剛好唔太甜
燈影牛肉🏮🐂
燈影牛肉係四川四大名產之一, 工序同烹飪方法都十分講究, 牛肉片薄如紙, 色澤紅亮, 係燈光下近乎透光而且清晰睇到絲絲紋理! 牛肉味濃郁, 乾身鮮香, 麻辣同肉香平衡有序, 齒頰留香, 佐酒一流🥃! 極度推介!😋👍🏻
自家製川北涼粉🍜
川北涼粉明而不透, 細緻軟綿, 口感爽滑, 加埋微辣醬汁, 十分醒胃☺️
家鄉燻臘肉胡椒餅
用左全世界最名貴嘅貢布胡椒同自家製嘅臘肉而成的, 咬落去熱辣辣幾juicy而且餡料幾多!😯
灌汁小籠包
小籠包配左兩枝滴管比你, 等你食嘅時候先慢慢將醋滴入個包到! 小籠包皮薄, 口感煙韌, 湯汁飽滿, 豬肉餡大而且味鮮!😊
水煮魚片🌶🐟
水煮魚用左桂魚嚟整, 魚肉嫩滑鮮味, 肉厚無骨, 份量亦好多, 湯汁唔油而且辣味夠, 底下嘅芽菜爽嫩索哂d湯, 好好味, 十分推介!
值得一讚嘅係餐廳所選用嘅容器🏺, 保溫性非常好, 就咁睇無出煙, 但食落口非常燙口, 即使過左一陣食, 夾上手仍然係熱的👍🏻
咁好餸, 當然要整番碗白飯🍚!🤭🤭
豆瓣智利白鱸魚獅子頭🐟🦁
用白鱸魚整成嘅獅子頭啖啖結實嘅魚肉, 口感彈牙, 味道鮮香, 醬汁甜甜辣辣, 非常惹味!😋
玫瑰吐司抄手🌹🍞
首先E款甜品非常適合打卡影相📸📱🤣!抄手嘅外皮係用左白麵包🍞壓製成薄皮, 非常香脆, 口感有d似崩砂, 入面係紅豆同玫瑰醬🌹做成嘅餡, 而抄手上面有黑松露蜜糖🍄🍯, 沾上鍊奶同荔枝醋就可以食得! 整體味道唔錯, 紅豆玫瑰餡味道幾夾, 但小妹認為黑松露蜜糖味道略為遮掩左個味道!
總結: 食物質素相當高, 非常有特色而且份量都幾多! 環境寛闊舒適, 店員服務態度良好, 價錢亦唔算貴, cp值幾高, 值得推介!😊😋👍🏻
Post
