川流 (Closed)

真係感恩呢排嘅疫情得以緩和，而且又越來越多人打疫苗，我先可以安心啲，同屋企人喺週末嘅時候，出嚟飲個茶食吓點心。我哋特登嚟到灣仔街市附近，呢一間四川菜餐廳飲茶。因為呢度人比茶樓會少，而且餐廳環境佈置乾淨衛生，枱與枱之間嘅距離空間感亦都好足夠。所以，大家食得安心，自然就更加好味道啦！$200到就可以任叫任食12款即叫即製嘅點心，加7款沙律吧任拎嘅前菜同埋甜點。沙律吧入邊每一款前菜同埋甜品，都會用膠蓋蓋住，咁樣就會好衛生啦！而且隨着個人喜好，鍾意食幾多就攞幾多，唔會浪費，每一款前菜都幾乎有自己相配嘅醬汁，真係好貼心。最鍾意佢個酸辣伴寬粉，單單睇佢嘅顏色同埋上面嘅配菜，已經知道佢非常入味。上面嘅配菜有芹菜段、香蔥、紅蘿蔔絲同埋辣椒碎，而且我個人特別鍾意食寬粉，因為佢比起其他粉類，更加Q彈煙韌，吸到嘅醬汁亦都特別多。佢個雞絲粉皮亦都做到好出色，因為佢哋係新鮮人手手撕雞，雞肉特別嫩滑，配襯濃郁嘅麻醬，好味道！五香牛肉亦都涵得好夠時間，所以牛肉入口味道濃郁芬芳，仲要配襯埋牛筋呢啲咁容易入味嘅位置，所有嘢都煮得好稔而無渣，欣賞！12款點心入邊，乜嘢烹調方式都有，有蒸、有煮、有焗、有炸，任君選擇，總有一