Video
Read full review
2022-12-15
45 views
呢晚係我同兩位朋友嘅生日飯，因為其中一位鍾意食蟹，一位又鍾意食辣同雞煲邊爐，所以搵咗呢間食，見咁多食評都話呢間正，點知伏咗！首先，我哋係冇叫佢果啲任食放題同大大盤小龍蝦火鍋嘅，主要係想講隻蟹🦀 所以如果想睇關於佢果盤雜不欄海鮮鍋可以skip咗我呢篇嘢嗰晚我哋帶埋蛋糕去食飯，入座前喺門口櫃枱位置將蛋糕交比白衫經理（後尾理論時為同一人），交付蛋糕時已說明必須雪藏，但最後發現只一直放在櫃枱上😢 (轉場食蛋糕已處半溶狀態😭)入直路講佢個「避風塘炒大肉蟹」🦀🦀🦀呢間餐廳都係用電話自助點餐嘅，當晚所有嘅中蟹都顯示為「售罄」同埋我哋人數有7位，所以都會係預咗叫大肉蟹，但隻蟹一嚟到，我哋真係大家互望一眼，本人對廚藝都略懂一二，食蟹都係人生興趣之一，眼前呢隻「大肉蟹」個Size仲細過我哋啱啱食完果隻扇貝，隻蟹鉗同我隻手指尾一樣大，仲細過佢隻雞翼尖呀！陰公！ 叫左個侍應埋嚟問「請問呢隻蟹係大嗎？」個侍應問返我「你叫大定叫中吖？」重複問咗我兩次，我話而家我問緊你，就係想你話我知係咪嚟錯！佢走去問個白衫經理，經理行埋嚟好悔氣咁話「今晚所有都係大蟹，冇中蟹！」我哋叫佢睇吓隻蟹「咁都係大？肉蟹喎！唔係羔蟹喎！你呃
首先，我哋係冇叫佢果啲任食放題同大大盤小龍蝦火鍋嘅，主要係想講隻蟹🦀 所以如果想睇關於佢果盤雜不欄海鮮鍋可以skip咗我呢篇嘢
嗰晚我哋帶埋蛋糕去食飯，入座前喺門口櫃枱位置將蛋糕交比白衫經理（後尾理論時為同一人），交付蛋糕時已說明必須雪藏，但最後發現只一直放在櫃枱上😢 (轉場食蛋糕已處半溶狀態😭)
入直路講佢個「避風塘炒大肉蟹」🦀🦀🦀
呢間餐廳都係用電話自助點餐嘅，當晚所有嘅中蟹都顯示為「售罄」同埋我哋人數有7位，所以都會係預咗叫大肉蟹，但隻蟹一嚟到，我哋真係大家互望一眼，本人對廚藝都略懂一二，食蟹都係人生興趣之一，眼前呢隻「大肉蟹」個Size仲細過我哋啱啱食完果隻扇貝，隻蟹鉗同我隻手指尾一樣大，仲細過佢隻雞翼尖呀！陰公！ 叫左個侍應埋嚟問「請問
呢隻蟹係大嗎？」個侍應問返我「你叫大定叫中吖？」重複問咗我兩次，我話而家我問緊你，就係想你話我知係咪嚟錯！佢走去問個白衫經理，經理行埋嚟好悔氣咁話「今晚所有都係大蟹，冇中蟹！」我哋叫佢睇吓隻蟹「咁都係大？肉蟹喎！唔係羔蟹喎！你呃細路就可以！」點知個經理一句「得啦，比返個折你」跟住個你字都未講完就轉身走左去……
最後，埋單$2457 / 7位
（經理所謂嘅折就係計返我哋隻蟹係中蟹價錢）
隻蟹鉗仲細過隻雞翼尖嘅大肉蟹😰我哋呢晚食蟹前，都叫左其他串燒同海鮮仲有個雞煲食，但成晚我只係覺得個粟米最好食，其他真係唔知食咗啲乜，個經理轉身走左去我哋都冇癮，食到咁…….又唔飽。我哋要求攞返個蛋糕轉場再食，發現佢就嗎櫃枱度攞個蛋糕過嚟，摸一摸個盒完全唔凍……
BTW最後轉場去第二間食叫到成台嘢食得好滿足😋
Post
