新有記

Open Now

Now Closed

今日同朋友出海游船河自己租船釣墨魚，釣到中午得幾隻收獲，最後決定近近地揸去塔門食午飯。去到碼頭見到新有記，唔洗諗就呢間。因為第一次揸船，泊左一陣先泊到部船上去新有記。上到去竟然成個島停左水，但老闆見我地山長水遠來到，照樣招呼我地，感動感動，因為當日好熱，入面有冷氣間直係兩個世界。我地叫左聞名的海膽炒飯，老實講味道同想像的不一樣，味道偏淡，可能海膽炒到溶左，搵唔到海膽，同價錢偏貴。蝦醬炒通菜，十分好味，蝦醬同通菜好夾，十分開胃。同埋拎左2隻墨魚即整加工，我地選擇椒鹽炒，好好味，新鮮當然新鮮，都要老闆功夫炒得好，夠香夠乾身，有機會大家都可以帶東西加工，加工費100元。