Chilli Lime (形點 I)

Open Now

Now Closed

今日去元朗搵朋友，一齊喺Yoho食晚餐，原來Yoho都有幾多餐廳，各式各樣嘅菜式都有，最後揀咗間好有特色嘅東南亞餐廳每枱都有酒精搓手液，非常貼心。泰式柚子鮮蝦沙律一睇就知係一個清新組合，超級多柚子，呢個沙律唔辣，個個都啱食。串燒沙嗲（雞肉/牛肉/豬肉）串燒都幾大串，我哋點咗每款各兩吋，可以咩都試吓。串燒燒得幾香，有啲焦香味。沙嗲醬有好多花生粒，食落有粗粒花生嘅口感，好惹味。傳統咖喱羊肉呢間餐廳嘅咖喱非常地道正宗，味道十分豐富，相信喺調配咖喱方面花咗唔少心思，而且用料十足。黃油烤麥餅點咗咖喱，梗係要配返個烤餅啦！呢個餅烤到燶燶地，好香麥味，加埋咖喱一齊食，真係冇得頂。香脆薯仔煎餅薄薄嘅煎餅，裏面塗滿左咖喱薯仔，味道唔錯。Mango Blast食咁多香料豐富嘅味道，梗係要點返杯清涼嘅飲品啦。呢杯飲品嘅青瓜味比較突出，幾清新。