芝加哥串燒酒場 (太和中心)

太和芝加哥串燒，太和人實識，係住附近街坊想飲番杯放鬆chill下嘅好選擇。 Cocktail酒類嘅選擇非常多，有選擇困難症嘅我哋都係揀咗好耐先決定到，可能我哋不勝酒力，大家都係味咗兩味，比較推介大家揀啤酒類。因為餐廳環境昏暗，見到隔籬枱開着電筒睇餐牌，幾搞笑🤣拉絲水牛芝士條，好食，送酒一流。枝豆，表面落咗鹽鹹鹹地，健康小食，好快一條接一條清晒。燒銀鱈魚，之前都有嚟呢度食過呢道菜，今次唔知係咪啲魚唔靚，肉質比較韌同埋多骨，希望下次再嚟可以回復水準。蜜糖燒黑豚肉，啖啖肉，朋友好鍾意食。餐廳會將所有嘅串燒擺喺一個大木板上面，場面都幾壯觀， IGable~~~咁多樣嘢食裏面，我個人比較推介玉子燒同紫菜年糕串。