<金蘋果梳乎厘兔you > $155
農曆新年嚟食飯，梗係要搵番啲同兔年有關嘅款式嚟試下啦。三塊梳乎厘上面嘅cream整成咗隻兔仔形狀，非常可愛，梳乎厘兩面煎香但中間濕潤，質感輕盈、蛋味較重，側邊仲散佈咗一啲焦糖蘋果粒，味道略帶苦味，但連埋梳乎厘同cream一齊食就正好平衡返個甜味，好滿足。
<巴馬火腿吐司> $89
本身對呢個冇咩期望，因為平時食到啲巴馬火腿係偏鹹嘅。但今次呢個鹹食令人覺得有驚喜，法式吐司鬆軟微甜，加上略帶鹹味嘅巴馬火腿同清新的牛油果蓉，味道層次豐富。
<明太子醬三文魚籽意粉> $138
意粉上枱時見到側邊仲有唔少嘅醬汁喺度，咁就唔怕擺咗陣啲意粉會乾曬。意粉幾有咬口，相當掛汁，明太子醬汁略帶小辣，加上點綴喺意粉中嘅三文魚籽，食落開胃。
<豆花咖啡> $52
呢杯咖啡將Expresso倒入去豆腐花入面，豆腐花口感滑溜、豆味重，食落去好清甜，而加埋濃縮咖啡後令成杯野飲同時兼具有咖啡嘅苦同埋豆腐花嘅甜，口感幾特別。
<godiva朱古力酒咖啡> $58
雖然呢杯咖啡有酒精嘅成分，但飲落順滑，朱古力味濃郁。酒香充斥於口腔，隨後帶出朱古力味。
