點心廊 (Closed)

點心廊，位於山頂廣場，香港人鍾意食點心，依家去到山頂廣場，都可以有點心食，一邊享受維多利亞港風景，一邊嘆傳統中式點心，一家大細周末放假最佳節目。餐廳點心選擇非常之多，傳統叉燒包鳳爪蝦餃燒賣灌湯餃等等樣樣都有，而且價錢相當大眾化，喺山頂廣場來講，可以算係價廉物美。誠意推介金華火腿雞湯灌湯餃，皮薄餡靚，材料豐富湯底味道非常濃郁。古法馬拉糕做法正宗，馬拉糕非常鬆軟，味道適中，不會太甜。蝦餃大大隻，蝦肉非常彈牙。