環境
地方乾淨整齊，新地板新檯新凳咩都新！光光猛猛，好有朝氣！希望保持到啦！比起前業主”旭隆冰室”黑黑暗暗好好多！
唯一唔好就係坐得太密。不過唔知係唔係全部家庭式餐廳都係咁，灣仔”純子餐廳”, 同上環”JP Deli“都係一樣坐得唔舒服。
服務
一去到見到前所未有咁多人，7個職員招呼 20個客。全部 Waitress 係妹妹仔，全無做飲食經驗，勁亂勁緊張。起初唔見咗我地張單，但好醒即刻請我地食自家製Kim Chi。話雖如此，但好有禮貌，值得嘉許。
食物
打正”家庭式餐廳”旗號你真係唔好 Expect 有咩新其菜式，賣嘅只係超普通”無飯家庭”都煮到嘅嘢 - 例如 “豆腐煲”、”小學生野餐壽司”、同埋”無料年糕”:-
價錢
食物質素同價錢成正比，兩個人都係百幾蚊落樓。
