Kaleido Coffee

Open Now

Now Closed

最近因為放假所以專登係香港四圍去下，喺坐巴士去屯門碼頭之前, 喺置樂發現咗呢間簡約設計嘅日系cafe，全白色同灰色係我鍾意嘅休閒文風style，令人好舒適。因為今日天氣有啲熱，所以就叫咗杯凍cafe latte,而朋友就叫咗杯all black，佢嘅咖啡豆好香, 應該mid roasted, 有少少nutty味同冇咩酸味（平時都鍾意飲苦味濃啲，麻麻酸味），唔錯，不過下次要飲返杯hot coffee再試真d ！另外都嗌咗兩件cheesecake一件原味，一件綠茶味 兩件都好好味，唔太甜。特別係綠茶味，佢嘅綠茶味十分之濃郁，仲可以食到少少茶嘅甘香苦味。而蛋糕面嘅焦度剛剛好，入面嘅硬度唔會太硬，溶得剛剛好，食完都唔會覺得膩。環境好舒適，絕對適合同朋友慢慢邊品嘗咖啡，邊傾偈。店員服務態度亦好好，大家嚟到屯門，一定要嚟試！店舖座位唔多，下午嚟到可能要排一陣隊先有位，但係排隊係絕對值得☺️。