TOSS 蘇媽.蘇媽 (Closed)

蘇媽·蘇媽終於登陸大西北🥳今次嘅新舖一改以往傳統裝潢風格，採用現代cafe格調，闊落舒適。招牌菜式都做咗唔少創新與調整，成日經過嘅蘑菇忍唔住要去一探究竟🍲一字骨肉骨茶（$168）集肉香、骨香、中藥材香氣於一身，湯底鮮甜可口，配搭枸杞、冬菇、豆卜、腐竹等食材，total四大塊一字骨肥瘦相間，燉到好冧，更索晒湯汁，令人回味🥘高佬麵配仁當牛肋條（$83）馬來西亞特色乾身撈麵，配搭裹滿仁當咖喱的牛肋條同半熟煎蛋，撈埋啲蛋液同秘製醬料更添滋味～一旁仲有小魚乾、青瓜同花生粒🐟愛他愛她（$52）以往總是嗌咖央多士或串燒，今次有啲冒險精神，試下新嘢😍呢款菜式名稱好特別，係Otak-Otak嘅音譯，採用魚肉泥混合香料，包裹在香蕉葉中烤，口感同味道都好特別🧋馬來西亞拉茶（$32）口感濃郁醇厚，又香又滑，經典必飲🥥椰汁班蘭冰（$42）椰香濃郁，融合丁香般的斑蘭芬芳，甘甜順口，清涼沁心