屯市雖然有好多餐廳，但係要數新加坡菜，
就好似淨係得呢一間，位置都唔係好難搵，
公眾假期lunch嘅時間拎咗張飛，
二人枱都係等咗大概五至十分鐘到，
餐廳裏面座位都非常之多所以唔使等好耐，
坐低之後好多樣都想叫，
其中有一樣就係喇沙+海南雞飯,
如果你想食喇沙又想食海南雞飯，
呢個餐真係啱曬你，因為佢啲喇沙真係好正
我覺得個海南雞飯比喇沙就爭咗少少，
雖然海南雞都係好滑冇骨，
但係個喇沙個湯底真係非常濃郁，
而我亦都嗌咗一杯熱話梅桔仔水，
我真係咁講呢杯嘢係我飲過咁多杯桔仔水，
真係最好飲嘅！，總括嚟講呢間餐廳係非常值得再幫襯。
