平時約朋友食飯多數都係約係市區既, 好難得大家肯入番黎屯門一次就我, 咁我作為東道主,
一定要帶大家食好野啦! 今次就帶大家黎到屯門市中心附近唔太遠既何福堂附近,
去一間可以又食到羊架,又食到日式料理, 又可以隨便叫即沖飲品, 又有大量甜品食既餐廳食野啦!
緣聚係一間集日式放題與刺身火鍋於一身的餐廳，場內共約有160個座位，
裝潢走以時尚工業風，設有以貨櫃為元素的玩味裝置。
餐廳提供IPAD的快速點餐配備，唔洗好似出面D餐廳一到晚市, 舉極手等侍應都等唔到人咁慘啦!
餐廳食物種類多元化, 提供刺身、西日扒類、燒物、卷物、天婦羅、火鍋等。
因為食物太多,小編重點講最令小編印象深刻果幾樣啦"
刺身: 刺身當中小編最愛食虎蝦, 處理得新鮮, 無海水味, 肉質鮮甜, 滑又有咬口, 正!
西日扒類: 羊架係必食, 小編食左3塊! 火喉夠哂再配上特調香料, 無得彈!
天婦羅: 紫薯天婦羅係燒物中CP值最高,因為相對其他無咁肥膩,唔佔小編太多QUOTA但又滿足到小編中意食甜野既心 XD
燒物: 鰻魚燒一定係最吸引的一樣, 佢地無燒到過龍, 又唔會燒唔夠熟太生, 所以保留到良好口感加魚肉的鮮味!
卷物: 三文魚手卷一定要試, 佢同普通食三文魚壽司既分別唔係塊紙菜,而係漿汁先會帶出魚肉既靈魂, 增加到肉既TEXTURE!
火鍋就原諒小編已經飽了, 俾唔到評價T_T
整體黎講每人200元消費左右有咁多款美食落肚, 底到爛啦!
緣聚西日餐廳(仁愛堂圍)
地址 : 屯門仁愛堂圍45號興泰大廈地下1,1A,2至8地鋪
電話號碼 : 23681691
營業時間 : 星期一至日 11:45 - 15:30 / 17:00 - 23:30
1
1
1
2
1
1
1
1
1
1
