超大個, 超足料, 四十蚊有找, 可以當一餐飯.
1
每個包均有扎肉, 秘製鴨肝豬肝豬肉醬, 越南泡菜, 香菜, 青瓜沙律🥗. 法包選用越式的法包, 比正宗的掟死狗法包軟熟, 適合阿婆牙骹. 小編建議一定要加煎蛋, 蛋香將整個法包的味道昇華
. 茜友和嫌茜友可因應個人喜好加茜或走茜. 雖小編係嫌茜友, 不過整體配合起來, 芫茜的味是可以接受的. 
小編已經試晒豬牛雞三款法包. 小編是牛控, 第一次吃牛包, 已經覺得烤得好香, 好好味. 第二次試埋雞和豬, 雞和豬比較juicy, 相比之下, 牛就比較乾身. 雞包充滿越式雞醬, 如果不吃辣的朋友會覺得有點兒辣, 或選擇少雞醬. 其實介紹了很多朋友光顧, 大部分朋友和小編一樣, 覺得豬包係最惹味, 最juicy
烤豬火候剛剛好, 香茅味超出
建議如果想試晒三款, 最好最後先試豬, 因為食完返唔到轉頭
由於是隱世小店嘅關係, 建議大家先打電話去查詢有否開門才到訪, 摸門釘就唔好. 小店只供外賣, 沒有堂食, 可以打電話去pre-order後自取. 小店十分隱世, 店名招牌也沒有
只係門口寫住法包嘅法文名Baguette. 隱世到唔好以為自己去錯地方, 正確位置在屯門杯渡橋底, 中旅社附近, 內街嗰邊. 希望大家搵到
