百份百餐廳 (Closed)

卓爾廣場新開左間“百份百餐廳”我住附近既卓爾廣場新開左間“百份百餐廳”，見佢開張咁耐都重咁多人等位，所以我決定同兩個friend試吓 ~~等等等…..終於入到去試喇.!! 一入去，我留意到舖入面有幾幅海報話“珍珠奶茶”好正，又話Ｄ珍珠唔會痴埋一齊，仲有話咖哩好食，所以我地三個人叫左三樣野share食日式海鮮炒烏冬、咖哩牛腩飯同埋大碟星洲炒米，每人再加$5飲埋“珍珠奶茶”。先講吓個“珍珠奶茶”~ 嘩 ~~真係超好飲呀..(我覺得), 因為我好鍾意飲“珍珠奶茶”,佢D茶味又適中，唔會太甜，而且珍珠又夠煙靱，D珍珠又夠黑色..因為只有最新鮮既珍珠先會係黑色架，如果擺得太耐個D會變左啡色架…同埋無晒口感!!咖哩牛腩飯~ 咖哩唔會太重椰汁味，有少少辣，而且牛腩好林，口感唔錯 ^_^，下次再黎一定會再叫。 再來日式海鮮炒烏冬~真係好大碟，雖然個賣相一般，但係D味道真係唔錯，唔會太油，而且又唔會越食越咸。最後就係星洲炒米 ~ 呢個星洲炒米真係唔錯，係我去咁多間最正既一間，唔會太辣亦唔會太乾，我之前試過幾間都係好似食鐵線咁..好乾呀..!入面D調味料全部都係獨位包裝，非常乾淨，唔會好似其他餐廳咁D調味