一喜‧燒肉

Open Now

Now Closed

今次嚟到時代廣場呢一間燒肉放題，見到做緊第二位半價，選擇又幾多，即刻入去試吓今次叫咗一個美國SRF金標牛肉套餐肥牛壽喜燒壽喜燒味道唔會太甜，剛剛好要讚，蔬菜新鮮。主角牛肉油脂分布相當靚，厚薄適中，淥3秒入口脂肪溶化非常幸福。美國極級牛肩胛肉牛肉嫩滑，燒嘅時候渣渣聲，唔使刻意調味，牛肉肉味都非常出，必試。厚切日本黑豚腩肉腩肉一定係食佢嘅油香，呢一款入口Juicy 海鮮牛油煮蜆用錫紙兜裝住，幾得意，配埋牛油嘅香味一流海蝦尺寸中上，食落都幾新鮮，夠爽彈鯖魚味道非常鮮甜，要讚吓，呢度嘅海鮮解凍都做得唔錯芝士雞肉雞肉同芝士嘅配搭一流，有種韓國燒烤嘅味道甜品時間先講吓雪糕櫃，呢度主打本地嘅雪糕品牌，有沖繩鹽、雲呢拿、芒果、港式奶茶同香蕉湯味。沖繩鹽入口鹹鹹地，之後同甜味嘅配搭相當夾。個人推介芒果味，芒果嘅味道唔會好假，比起雀巢更加香。雙味泡芙朱古力味唔會太甜朱古力士多啤梨切餅欣賞佢有餅底黃色小杯香蕉味感覺幾新奇，食落似布甸。整體嚟講，好耐冇食過咁多選擇嘅放題，牛肉更加係回本之選，甜品亦都有心思。