Video
Read full review
2018-08-19
78 views
同事提到附近開左間新嘅飲品店，食完lunch就過去望望。【善茶】開喺K11附近，店面充滿香港懷舊冰室特色。小店主打港式奶茶，老實講喺呢個夏天一片黑糖珍珠鮮奶/芝士XXX嘅爭奪戰中，佢夠膽反其道而行，主打港式奶茶，我係非常欣賞嘅👍二話不說同同事拎左張單張番公司，問左店員5分鐘內路程，夠5杯就免費送貨，如果10分鐘路程就要夠10杯先送。暗先決定第二日Happy Friday嘅下午茶就點呢間啦(多謝老細請飲野😂)到左星期五下午，因為突然要見客，於是交比Reception同事幫忙打電話外賣，到出得黎飲呢杯野已經5點，亦錯過左影相嘅時間，影得2杯...👇左: 隱藏Menu 焦糖珍珠鮮奶 $30 👇右: 港式奶茶紅豆冰 $32我同同事A都唔想太多冰愈飲愈啖，於是都叫左少冰同少甜。左邊果杯同事A覺得焦糖鮮奶夠滑唔會死甜，珍珠都幾有o趙口，唔會成團粉咁。而右邊果杯，我同Manager都點左同一杯，大家一致認同【善茶】嘅港式奶茶做到茶味香濃而不苦澀，口感亦好滑係高水準嘅奶茶！而且我開完會出黎擺左成個鐘先飲，d冰已經溶晒但奶茶依然咁濃郁咁香滑！比起好多茶餐廳/台式飲品店，真係高下立見，飲得出分別同小店嘅用
二話不說同同事拎左張單張番公司，問左店員5分鐘內路程，夠5杯就免費送貨，如果10分鐘路程就要夠10杯先送。暗先決定第二日Happy Friday嘅下午茶就點呢間啦(多謝老細請飲野😂)
到左星期五下午，因為突然要見客，於是交比Reception同事幫忙打電話外賣，到出得黎飲呢杯野已經5點，亦錯過左影相嘅時間，影得2杯...
👇左: 隱藏Menu 焦糖珍珠鮮奶 $30
👇右: 港式奶茶紅豆冰 $32
我同同事A都唔想太多冰愈飲愈啖，於是都叫左少冰同少甜。左邊果杯同事A覺得焦糖鮮奶夠滑唔會死甜，珍珠都幾有o趙口，唔會成團粉咁。
而右邊果杯，我同Manager都點左同一杯，大家一致認同【善茶】嘅港式奶茶做到茶味香濃而不苦澀，口感亦好滑係高水準嘅奶茶！而且我開完會出黎擺左成個鐘先飲，d冰已經溶晒但奶茶依然咁濃郁咁香滑！比起好多茶餐廳/台式飲品店，真係高下立見，飲得出分別同小店嘅用心！唯一係紅豆甜左少少，應該係用黃糖煮過，如果鐘意甜嘅朋友比較啱。
雖然紅豆對我黎講過甜有少少扣分，但都唔會影響我對呢間小店嘅喜愛，細看之下，連杯嘅設計都充滿懷舊香港味，更寫上"知足常樂"，喺現今充滿怨氣嘅香港，呢4個字係好需要。小店嘅用心實在值得香港人大力支持，下星期lunch等我再叫番杯珍珠港式奶茶試下先！
Post
