為食龍 (Closed)

為食龍以前係一間銅鑼灣嘅外賣小店，宜家係中環開咗餐廳！佢位置近大館，如果walk in要等位可以過去行下。佢booking都幾full，所以建議大家早啲book😶 餐廳嘅設計擺設幾得意，同佢嘅名一樣，以恐龍為題。但係餐廳唔算大，位置有啲狹窄🥲食完呢餐之後超想encore，但係小編咁啱同媽媽食完之後肚痾咗幾日，唔知關唔關事🤧🤧-----------------------------腐皮壽司 ~$27 【8/10】平時去壽司店都唔會點腐皮壽司，但係單點壽司幾乎全部都係腐皮壽司！雖然每件差唔多$27，但係份量都好足，每人食5、6舊都會飽。小編食咗7款左右，最推介係黑松露帶子同埋辣味三文魚。帶子同埋三文魚好鮮甜，而個人認為其他壽司整體開質素高過壽司郎！-----------------------------奶蓋白玉烏龍 $52【7.5/10】呢杯飲品整體不太濃郁，烏龍味比較淡，而奶蓋唔算厚實。但係飲落去幾清涼，而且黃豆粉同奶蓋烏龍好夾，加返唔少分。建議大家連埋黃豆粉一齊飲，味道同埋層次都會比較豐富。白玉好有咬口，連埋黑糖同黃豆粉食好正！