小店環境裝飾得幾有心思。室外有兩枱位，室內6-7枱。適合朋友飲下野gathering下。
講下啲野食先～
炙燒帶子伴香茅洋蔥汁 $128
伴汁好出色，係少少辣辣地，好香香茅味，酸酸味味，幾清新嘅洋蔥汁。加左係新鮮清甜嘅帶子上面。
帶子本身都幾厚身鮮甜。帶子底下再加左啲牛油果蓉。面頭又加左啲切碎嘅紅椒碎加櫻花蝦碎。
口感豐富＋開胃嘅前菜，唔錯！
Off-menu嘅薯條 $68
薯條即叫即炸。熱辣辣，粗幼同mcdon勞嘅差唔多。咬落食到creamy嘅薯蓉，都好食！
西班牙紅蝦蕃茄扁意粉 $218
開邊嘅紅蝦煎至金黃，仲有用火槍燒過嘅 痕跡。意粉個汁好creamy, 少少蕃茄味，又有少少蝦膏嘅味道，整體甜甜地，好味。
