PizzaExpress (Closed)

上個月嘅星期六同兩個朋友去左PizzaExpress食晏，去到發現比平時少人，所以只係等左大約15分鐘左右就有位喇。之後我地首先嗌左一客小食，mushroom dip。佢有六舊好似麵包咁嘅嘢，出面有D脆脆地，但入面又唔會好乾，都幾彈牙。中間個個由一個蘑菇再加香料而整成嘅醬汁，一放底就聞到好香嘅蘑菇味，我地將麵包浸落D醬汁度食，D醬汁會即刻滲哂入去個包，好香滑好好味。 之後我地再叫咗個Pizza，佢係薄底嘅，上面有D苦苦地菜，再加埋D辣嘅醬汁同辣肉腸，味覺上的層次好豐富同刺激。再加上佢係香脆的薄底，食咗幾塊都唔會有膩嘅感覺。