川之味麻辣米線 (Closed)

自從食完麻辣火鍋，我已經唔再怕辣，仲好鍾意食辣。就係鍾意果種食到口水鼻涕流哂出黎果種感覺。 火鍋唔可以日日食，但有一種叫麻辣米線就可以喇！我同叮叮係附近睇完戲都差唔多９點半，好多店舖都應該last order左。全靠開飯喇，輕輕鬆鬆搵到間收好夜既，忍唔住喇！！ 豬潤肥牛麻辣米線(6級辣)豬潤同米線係不可或缺既，索哂湯底精華，冇得輸。 豬潤豬軟骨麻辣米線(5級辣)豬軟骨都煮得好入味，不過覺得同麻辣味會唔太夾。 麻辣雞翼本身都怕樣樣都辣，會食唔出果種味道。點知都有驚喜，食到果種辛辣粉味，各有特色，唔會喧賓奪主。 依度既員工態度唔係好好，因為我提問辣度既分別，又或者唔夠辣可唔可以加辣，員工都唔太明客人想問D咩，同開始唔耐煩。不過地道小店加上員工多數家庭式運作，咁都係接受範圍之內既。 但出品就真係有番咁上下保證，就好似5級辣同6級辣係有明顯分別，依樣真心覺得做得好。同埋依度有提供大大碗既套餐，岩哂放工麻甩佬又或者兩個人開心SHARE，又試到咁多款料。 又一個美好星期五，雖然雨水滴嗒滴嗒，亦沒有令我們狼狽起來，反而在人來人往的街道上看著雨境，藉此貪多一刻鐘。