嚐 (Closed)

長發商場依家多左好多野食，今次就試下呢間叫做「嘗」既台灣菜，佢係正全個商場既中心，睇落環境開揚，座位又幾闊落，所以就一於試下！入到去因為係午餐時間，位唔多，所以就坐左係近廚房位置既角落，景觀差Ｄ，不過就似間文青CAFÉ，但就無咩侍應招呼我地，到落單時直情要行出去，希望今後唔好忽略角落既孤兒啦！！講返野食先，我朋友叫左個雞件麻醬伴麵，賣相麻麻，味道都一般，Ｄ雞好乾唔知擺左幾耐……然後我另一位朋友就叫鹽酥雞麻醬伴麵，佢話Ｄ鹽酥雞太鹹，都係好乾……我就叫左個焗豬扒飯，雖然燶左少少，不過幾香口，幾好味，我Ｄ朋友都好羨慕我，話下次要試我呢個飯！