連誠大排檔 (Closed)

今日重遊舊地，順便同屋企人係大排擋食個晚飯！ 蝴蝶村冬菇亭同以前截然不同，宜家本整到成間餐廳咁款，缺乏了屋村大排檔味道！由於近街市，我地去買左幾款海鮮攞去加工，再叫多幾款小菜白灼蝦，剛剛過完休漁期，蝦好大隻兼彈牙！苦瓜炆倉魚，呢度煮得好好，炆得恰到好處，仲好有魚味！馬拉盞通菜煲，炒得超惹味，即刻要叫個飯襯下！沙薑雞，鮮嫩雞滑，有沙薑味及雞味！椒鹽鮮魷，炸得岩岩好，外面脆脆，本身鮮魷真係好新鮮！雜菌豆腐時疏，清清地，唔太油，味道唔太咸！薑蔥炒花蟹，色香味俱全！清蒸馬友，本身條魚都好靚，蒸得岩岩好，好滑兼好有魚味！小炒王就失色左少少，唔乾身，九菜老左d 整體黎講都煮得好好，街坊味道濃，來料加工費都算平，廚房整得不錯！