雞煲有三款可以揀:麻辣雞煲、白胡椒豬肚雞煲、濃湯雲吞鮮雞煲,唔想食麻辣,所以要咗白胡椒豬肚雞煲。
雞煲一上枱,個鍋已經好大個,用筷子撩吓啲料,勁多雞,應該至少有一隻雞嘅份量。雞肉肉質算唔錯,啲肉有質感,唔會好梅好爛,味道亦可以,白胡椒味濃,豬肚份量就相對少咗啲(約得四件)。
火鍋配料唔係咩貴價食材,都係啲一般普遍嘢。大部份都係要自己出去拎(如丸類、菇類、菜類、瓜類、粉麵類),亦有小部份就剔紙仔入單(如肥牛、牛柏葉、水魷、鵝腸、熟蝦、粉腸、響鈴)。
飲品包罐裝汽水、盒裝維他奶及盒裝果茶,啤酒(獅威)就$15三罐。
總括嚟講,收費激抵,食物質素符合預期,住附近得閒都可以幫襯吓。







4


1

