Video
Read full review
2016-06-02
1096 views
好耐無去屋子咖啡喇！好似每隔一段時間都會換新menu，呢次係用兒時常用單行練習簿做設計藍本，就連封底都印咗九因歌，內頁文字同圖畫就係機械印刷出來。被黑板上嘅季節限定甜品吸引，於是叫咗花漾鮮果窩夫配櫻花雪糕，賣相同佢哋其他窩夫差唔多，都幾靚嘅。佢哋嘅窩夫唔係平日常見嘅格仔形，而係好似冬甩咁環形嘅。最頂層係忌廉同香草，然後就係鮮桔子肉同香蕉片，內層就有吉士醬，碟上仲有焦糖醬，可以蘸埋嚟食。佢哋啲忌廉唔膩，桔子肉甜多汁，吉士醬甜度唔高。窩夫就外脆內鬆軟，富彈性同帶微微蛋香。伴碟嘅櫻花雪糕入面有少少（疑似）紫蘇葉碎，融化速度頗慢，就算我影咗陣相都無咩點變。原本以為食味會好假好人工化，實際甜度討好、帶陣陣葉子香，底下墊有拿破崙薄脆餅，可以單食或撕少少蘸雪糕食。
好耐無去屋子咖啡喇！
好似每隔一段時間都會換新menu，呢次係用兒時常用單行練習簿做設計藍本，就連封底都印咗九因歌，內頁文字同圖畫就係機械印刷出來。
被黑板上嘅季節限定甜品吸引，於是叫咗花漾鮮果窩夫配櫻花雪糕，賣相同佢哋其他窩夫差唔多，都幾靚嘅。佢哋嘅窩夫唔係平日常見嘅格仔形，而係好似冬甩咁環形嘅。最頂層係忌廉同香草，然後就係鮮桔子肉同香蕉片，內層就有吉士醬，碟上仲有焦糖醬，可以蘸埋嚟食。
佢哋啲忌廉唔膩，桔子肉甜多汁，吉士醬甜度唔高。窩夫就外脆內鬆軟，富彈性同帶微微蛋香。伴碟嘅櫻花雪糕入面有少少（疑似）紫蘇葉碎，融化速度頗慢，就算我影咗陣相都無咩點變。原本以為食味會好假好人工化，實際甜度討好、帶陣陣葉子香，底下墊有拿破崙薄脆餅，可以單食或撕少少蘸雪糕食。
Other Info. :
季節限定窩夫配搭幾清新，惟驚喜度唔大。
(The above review is the personal opinion of a user which does not represent OpenRice's point of view.)
Post
