拉麵達人 (Closed)

今日同朋友係佐敦行街，經過吳松街見到有間拉麵店，從外面看很有日本屋台既感覺推門後，店員禮貌地招呼我地坐低，看了餐牌，我點了個櫻花蝦拉麵達人，朋友點了個黑蒜達人！仲加左一個八爪魚餅等了一陣店員就拎拉麵黎，親切提醒叫我地小心熱，先嘗一口湯，湯充滿豬骨同味，加上很多的櫻花蝦，非常鮮味，麵質韌度適中，配料方面，桃花蝦夠大隻有蛋黃外層，加上肉質彈牙非常好味 溏心蛋有流心效果，蛋味很香濃，加上有昆布， 粟米，帆立貝，蟹柳令拉麵變得完美！小食有八爪魚餅外層脆脆地，裏面見到粒粒八爪魚，點上沙律醬，好好味！