陳儀興飯店 (嘉悅)

屋企人話想打冷，但無左晚市堂食，午市打冷又有啲奇怪，原來呢間主打潮洲菜嘅陳儀興飯店外賣有折，所以就買嚟做晚餐。

平時打冷都會食嘅烏頭，呢間餐廳選用元朗烏頭，仲有牌仔證明，無花無假，用鹽焗再凍食，魚肉有黃油，加上附送嘅豆醬一齊食，味道好鮮，咸咸地幾香。

我本身都怕外賣嘅蠔餅會淋，但竟然拎到返屋企仲好脆，因為外賣盒有開洞，唔怕焗到淋，蠔仔好大粒，蠔餅好香口好脆卜卜，份量都唔少，幾好食。

滷水拼盤有好多款，有生腸、紅腸、墨魚、腩肉、蛋、豆腐等，都幾豐富，而且味道好入味，尤其生腸、墨魚夠爽口，豆腐滑得嚟但吸收左滷水汁，整體都唔錯。