Video
Read full review
2022-05-04
820 views
餐廳：申、居酒屋 (天后)地址：天后電氣道54號亨環天后5樓最近喺天后一帶覓食，近住電氣道嘅金輪天地同亨環天后 真喺不得不提，兩幢大廈加埋超過二三十間餐廳：瑞士菜到西餐廳，酸菜魚到火鍋，真喺有唔少嘅餐廳選擇🤩，如果唔喺刻意去搵真係唔會知佢哋嘅存在今次去咗呢間12月中開嘅日式居酒屋🏮——申、居酒屋 @shinizakayahk ，中午除咗有二人套餐同Omakase之外，亦有十幾款定食可以嗌，而每個午餐仲包加咗日式蛋黃醬嘅沙律🥗，味噌湯，有瑤柱、雞肉、冬菇、白果嘅蒸蛋，甜品或咖啡☕️，同埋白飯跟湯或溫鳥冬二選一，以lunch嚟講都算幾多嘢食👍✝️大根味噌煮牛舌定食 $108大根即喺我哋講嘅日式蘿蔔，將調製過、濃而不膩嘅味噌醬汁加入去大根同牛舌一齊煮，兩者入味得嚟仲煮到好軟腍😋，牛舌有八九件，爽中帶嫩，厚切令牛舌食落更有咬口，香得嚟配飯或者烏冬一齊食就最啱😎✝️網燒雞扒定食 $98超大份嘅雞扒切成十條有多，以網燒嘅方式去處理，逼出雞扒肉汁之餘，雞皮燒至金黃焦脆🔥，香脆嘅雞皮配上嫩而多汁嘅雞扒肉，食落相當惹味，滴埋少少檸檬汁仲將僅餘嘅油膩感都去除埋，protein指數爆燈😌✝️燒鵝肝 $98鵝肝有半隻
地址：天后電氣道54號亨環天后5樓
最近喺天后一帶覓食，近住電氣道嘅金輪天地同亨環天后 真喺不得不提，兩幢大廈加埋超過二三十間餐廳：瑞士菜到西餐廳，酸菜魚到火鍋，真喺有唔少嘅餐廳選擇🤩，如果唔喺刻意去搵真係唔會知佢哋嘅存在
今次去咗呢間12月中開嘅日式居酒屋🏮——申、居酒屋 @shinizakayahk ，中午除咗有二人套餐同Omakase之外，亦有十幾款定食可以嗌，而每個午餐仲包加咗日式蛋黃醬嘅沙律🥗，味噌湯，
有瑤柱、雞肉、冬菇、白果嘅蒸蛋，
甜品或咖啡☕️，同埋白飯跟湯或溫鳥冬二選一，以lunch嚟講都算幾多嘢食👍
✝️大根味噌煮牛舌定食 $108
大根即喺我哋講嘅日式蘿蔔，將調製過、濃而不膩嘅味噌醬汁加入去大根同牛舌一齊煮，兩者入味得嚟仲煮到好軟腍😋，
牛舌有八九件，爽中帶嫩，厚切令牛舌食落更有咬口，香得嚟配飯或者烏冬一齊食就最啱😎
✝️網燒雞扒定食 $98
超大份嘅雞扒切成十條有多，以網燒嘅方式去處理，逼出雞扒肉汁之餘，
雞皮燒至金黃焦脆🔥，香脆嘅雞皮配上嫩而多汁嘅雞扒肉，食落相當惹味，滴埋少少檸檬汁仲將僅餘嘅油膩感都去除埋，protein指數爆燈😌
✝️燒鵝肝 $98
鵝肝有半隻手掌咁大✋，燒香嘅鵝肝未食已經聞到油脂香🤤，食落外層焦脆而內層入口即溶，油脂充滿口腔每一個部分勁邪惡😈
✝️墨魚咀 $38
平時食嘅墨魚咀都喺一粒粒，呢度嘅墨魚咀用竹籤串起沾麵粉炸成一串🦑，蘸埋餐廳嘅秘製醬汁同檸檬汁一齊食味道就啱啱好，食完墨魚咀緊喺要食埋餐廳預備嘅新鮮生蘑椰菜絲啦
✝️免治雞肉棒 $48
用咗日本新紀元卵曉雞蛋🥚，蛋色呈鮮橙，蛋黃味香濃，免治雞肉當中仲有粒粒軟骨，口感豐富形成親子最佳配搭，好想食多串🥰
最後食埋個奶滑有陣陣紅豆香嘅紅豆雪糕，呢餐幫朋友慶祝嘅生日飯果真豐富同滿足😚
Post
