味皇餐廳小廚 (Closed)

由於今日有考試，食咩都無心情，所以求其係附近食d野搞掂算數。附近有呢間餐廳好似幾多選擇咁，就入左去啦。入去既時候大概1:45，lunch time剛過，所以都幾多位，唔算好滿。見佢menu好多選擇，仲要 1:30 已經有下午茶，真係好難得。不過最好笑係佢無得散叫，我地問佢單叫腿蛋治得唔得，佢話得，不過收$18，要唔要野飲都係 $18，所以即係迫你一定要叫餐。不過腿蛋治其實係幫人買的，我們兩個人叫了兩個下午茶餐，一個係常餐，有雪菜肉絲米，加火腿煎蛋同餐包。另外我叫左個腸仔炒蛋餐配西多士，兩個餐都有野飲跟的。其實佢食物水準係一般過一般，唔難食但一定唔會係好食，仲幾平添。不過迫你一定要叫餐好似唔係咁好喎。D腸仔好鬼鹹，而且配D汁唔係好夾，炒蛋係無味的。不過西多士幾好食，但就好鬼多油呀。常餐非常之正常，個米粉仲幾好食，夠滑而且清清地，幾好。反而杯奶茶都算可以，夠滑亦有茶味，不過淡左少少。其實我未必會再黎呢間野，但佢其實係幾平的，食物質素唔可以有太過份既要求，而且又係尖沙咀，所以都係俾OK面佢啦。