本佐日本燒肉料理 (Closed)

星期日同男朋友係TST睇完戲梗係要搵食，咁就見到呢間位於赫德道既燒肉放題。walk in 上尼都驚冇位要等架, 好彩時間尚早, 有位唔洗等咋。點菜係用tablet 既, 慳左人手去接手寫單同落錯單既機會, 又夠晒環保同方便。枱同爐既位置都大，唔會逼逼夾夾咁。首先尼左既肉類拼盤，比我地試吓幾樣肉，岩食就再自己叫啦。海蝦大隻又新鮮，肉質爽脆。炸蝦同炸多春魚, 炸皮岩岩好唔會太厚，點沙律醬一流。帆立貝同蜆會用呢D金屬碗上, 成隻碗放入爐燒就可以，可以吸收返碗入面既湯汁!粟米亦都係一樣, 吸收晒牛油香既粟米非常甜呀!!刺身亦都係任食，質素都好高