Video
Read full review
2022-11-11
622 views
《Café Crêpe - 將軍澳》雖然成日返工都要周圍走，但其實我Office係喺將軍澳呢邊，間唔中都要返去開會，有時間我都會約埋同事喺呢邊搵好嘢食😋前嗰幾日，班同事話想去康城個商場探索下有咩好食嘅餐廳，所以我哋就揸車過咗去嗰邊😂仲要行錯咗去咗條未開通嘅橋度添😅幾經辛苦終於去到商場泊車，由於係食飯時間，有幾間我哋想食嘅餐廳都要等位，等咗一陣唔對路喎😟好似有排都未有得入座🥹同埋之前兜錯路嘅關係，原本有好充足嘅時間食lunch變到得返九個字😂食個米線都嫌趕時間啦，最後同事提議食過quick lunch就算啦，我哋最後去咗一間出名crêpe 既cafe食野😆完全係我嘅口味😛識我嘅朋友都知道我係crêpe 既愛好者☺️今次我就簡左咸既試下💁🏻♀️Crêpe St. Jacques $125餐廳嘅法式可麗餅全部都即叫即整，食嘅時候個外皮熱辣辣煙煙韌韌，味道都唔錯，我呢一款其實就即係芝士汁配黑松露帶子，個芝士汁係餐廳自己調配嘅秘製醬汁，味道都幾濃郁，外皮充滿牛油嘅香味🧈入面嘅帶子份量唔少，最少都食到四五粒㗎，睇住店員一份一份咁整好都幾治癒，最緊要係當日等候嘅時間唔會太長，就算買返公司食都好快手💁🏻
雖然成日返工都要周圍走，但其實我Office係喺將軍澳呢邊，間唔中都要返去開會，有時間我都會約埋同事喺呢邊搵好嘢食😋前嗰幾日，班同事話想去康城個商場探索下有咩好食嘅餐廳，所以我哋就揸車過咗去嗰邊😂仲要行錯咗去咗條未開通嘅橋度添😅幾經辛苦終於去到商場泊車，由於係食飯時間，有幾間我哋想食嘅餐廳都要等位，等咗一陣唔對路喎😟好似有排都未有得入座🥹同埋之前兜錯路嘅關係，原本有好充足嘅時間食lunch變到得返九個字😂食個米線都嫌趕時間啦，最後同事提議食過quick lunch就算啦，我哋最後去咗一間出名crêpe 既cafe食野😆完全係我嘅口味😛識我嘅朋友都知道我係crêpe 既愛好者☺️今次我就簡左咸既試下
💁🏻♀️Crêpe St. Jacques $125
餐廳嘅法式可麗餅全部都即叫即整，食嘅時候個外皮熱辣辣煙煙韌韌，味道都唔錯，我呢一款其實就即係芝士汁配黑松露帶子，個芝士汁係餐廳自己調配嘅秘製醬汁，味道都幾濃郁，外皮充滿牛油嘅香味🧈入面嘅帶子份量唔少，最少都食到四五粒㗎，睇住店員一份一份咁整好都幾治癒，最緊要係當日等候嘅時間唔會太長，就算買返公司食都好快手
💁🏻♀️Matcha Milkshake $68
我見同事果杯榛子奶昔好似好吸引咁，我都唔執輸叫咗杯抹茶奶昔☺️抹茶味雖然唔算好濃郁，但係個奶香味都幾重，係好Creamy嘅感覺，有啲似食緊H字頭嘅液態雪糕咁👍🏻其實我個人幾鍾意佢嘅質感同埋味道
由於時間太趕嘅關係，我哋最後都係外賣拎上車食，佢嘅外賣盒其實都幾實淨厚實，入面仲有一層隔油嘅塗層，唔會令到食物嘅油分流出，較容易保持食物嘅熱度，呢一點其實都幾抵讚👍🏻不過聽店員講喺其他區分店嘅crêpe種類會比呢度多少少，有機會嘅話，我都再會試其他唔同口味嘅可麗餅，特別係想試吓佢嘅甜crêpe 呢😋
Post
