Video
Read full review
2018-05-15
417 views
今晚約左兩個朋友收工一齊去食燒肉，上到去7點左右仲早，所以唔洗等位就可以坐底。等店員快速講解完收費同點餐方法後，我地首先緊係叫一轉刺身壽司先啦😍刺身都夠凍，甜蝦清甜彈牙，熟北寄貝飽滿厚實，滋味甘甜👍火灸三文魚壽司同蟹子壽司都唔錯，一路燒緊海鮮時都encore左幾次😋😋炸物入口時要小心燙口，真係即炸即上，口感香脆👍👍最驚出面有D炸定放到淋晒，食又唔係，唔食又晒雞肉醃得夠入味，一口牛更加係推薦之選，牛味濃郁，瘋狂encore之選😍👍👍唔知有冇人同我一樣，每次燒肉如果冇左菠蘿硬係覺得好似差D野，建議菠蘿可以放爐邊慢慢燒住先，因為收乾小小水份嘅菠蘿會仲甜😋😋😋食燒肉另一個小tips就係叫兜辣酒煮蜆先，食完蜆肉後，燒肉沾上辣酒汁仲惹味如果想食特別D嘅海鮮仲可以另外加錢叫，不過今次其實已經夠食，我地就冇額外叫🙈海鮮拼盤有燒蠔，貴妃蚌，虎蝦，鮑魚同甲羅燒甲羅燒雖然鮮甜味美，但要留意番燒得越乾會越咸，覺得太咸嘅同白飯一齊食亦有一種滋味燒蠔與甲羅燒一樣，唔建議燒太耐，等蠔水略為收乾就食得，因為燒蠔燒太耐隻蠔會「Pop」一聲爆出嚟，另外蠔水完全收乾鮮味亦會流失不小鮑魚同貴妃蚌都厚實彈牙，鮮甜有咬口，可以e
今晚約左兩個朋友收工一齊去食燒肉，上到去7點左右仲早，所以唔洗等位就可以坐底。等店員快速講解完收費同點餐方法後，我地首先緊係叫一轉刺身壽司先啦😍
刺身都夠凍，甜蝦清甜彈牙，熟北寄貝飽滿厚實，滋味甘甜👍
火灸三文魚壽司同蟹子壽司都唔錯，一路燒緊海鮮時都encore左幾次😋😋
炸物入口時要小心燙口，真係即炸即上，口感香脆👍👍最驚出面有D炸定放到淋晒，食又唔係，唔食又晒
雞肉醃得夠入味，一口牛更加係推薦之選，牛味濃郁，瘋狂encore之選😍👍👍
唔知有冇人同我一樣，每次燒肉如果冇左菠蘿硬係覺得好似差D野，建議菠蘿可以放爐邊慢慢燒住先，因為收乾小小水份嘅菠蘿會仲甜😋😋😋
食燒肉另一個小tips就係叫兜辣酒煮蜆先，食完蜆肉後，燒肉沾上辣酒汁仲惹味
如果想食特別D嘅海鮮仲可以另外加錢叫，不過今次其實已經夠食，我地就冇額外叫🙈
海鮮拼盤有燒蠔，貴妃蚌，虎蝦，鮑魚同甲羅燒
甲羅燒雖然鮮甜味美，但要留意番燒得越乾會越咸，覺得太咸嘅同白飯一齊食亦有一種滋味
燒蠔與甲羅燒一樣，唔建議燒太耐，等蠔水略為收乾就食得，因為燒蠔燒太耐隻蠔會「Pop」一聲爆出嚟，另外蠔水完全收乾鮮味亦會流失不小
鮑魚同貴妃蚌都厚實彈牙，鮮甜有咬口，可以encore😍😍👍👍
最後仲有movenpick雪糕送番😋
Post
