嚐館 (Closed)

早前收工去灣仔接呀媽，因為佢生日所以決定搵間餐廳食餐好佢想食中菜又唔想去酒樓，係openrice見呢間好似唔錯，於是前一日就已經book左位喇好有幸早book位有個角落房仔比我地，仲有獨立電視睇，感覺好似去左酒店房食，坐得好舒服一坐低就留意到呢度既茶壺，感覺好高整調！好左中國風一拎起發覺原來個茶壺都幾重首先上左個豬肚湯先，皆因太耐無湯水落肚，好想飲湯呢個湯都幾足料，胡招味都好重，飲完即刻覺得精神左，好享受豬肚都洗得好乾淨，無異味，而且唔會好肥好多油黎個滷水拼盤，送飯一流而且相當大盤大碟，仲有好多我至愛既蛋蛋tim! 雖然色澤睇落冇平時食個d咁深色，但原來食落味道都算幾入味，同時不會太咸，味道都幾出，有意外驚喜，特別係d蛋蛋！至於其他如鵝腸，鴨腎等都幾爽口，口感不錯！最外亦叫左個黑胡椒蟹煲，原來真係成隻蟹上，入面d粉絲整得幾好，胡椒味好重好入味，蟹好大隻好多肉食，食個時仲好熱好有獲氣，相當野味呀！