但係卡位同出邊啲枱有啲唔同，如果兩個人其實係可以同步打邊爐同埋蒸蟹，不過係迷你煲每次每人可以兩隻蒸住+打邊爐丶由於我哋係四人枱只係得一個鍋，所以我哋只可以食完大閘蟹再打邊邊，事不宜遲每人每次限兩隻，一坐低落單啲蟹好快上枱，Size唔大我諗大概二兩幾到三兩，但係都新鮮因為見到佢哋喺度郁嘅，雖然好細隻但係都有蟹膏，不過唔香，但係咁嘅價錢任食就唔好要求咁多，見到隔離枱喺度打邊爐我哋都好想，但係只係得壹個鍋所以就要等啦，見到隔離有大頭蝦新鮮度跳咗落地下，其實我哋係可以轉打邊爐之後再轉返大閘蟹不過覺得太煩所以都係諗住之後先打邊爐，其實食咗幾隻已經開始頂唔順，注意大閘蟹全部都是蟹公，啲職員都尚算有禮，我哋大閘蟹中途叫咗串燒同埋雞翼炸物，只係蜜糖雞翼同香辣蜜糖雞翼好食丶其他都係好一般，但係之後漏單情況不斷持續，食到咁上下我哋就轉打邊爐，可惜當我哋打邊爐嘅時候佢同我哋講大頭蝦冇晒，但係其實我哋四個人加埋食咗34隻大閘蟹已經食唔落打邊爐，佢嚟咗個海鮮拼盤，生蠔就真係麻麻地因為好黃色應該係雪咗好耐，虎蝦質地麻麻，其他嘢都食唔落，不過幾個人有咁多時間的而且確係好嘅，所以我覺得四百幾蚊其實都好抵，大家可以試吓
