Video
Read full review
2008-03-16
72 views
估唔到咁少食評, 呢間野係上水都應該叫做幾有名& 有D歷史. 街坊海鮮小菜館, 環境不能有甚麼要求, 至少伙計都幾好服務. 當然, 呢種服務就梗係好爽好快果種而唔係五星級禮賓司果隻. 點心廿四小時供應, 不過近一兩年質素走下坡, 調味越來越差, 而且D肉既成份有五六成肥, 就算舊時興食肥都無肥得咁交關, 因此點心前祈咪食. 相比下其他食物就真係幾見得人, 如weekdays 既小菜客飯套餐, 例湯油菜一小菜一飯都只係28-32元. 比較差的是魚香茄子, d 肉碎接近全肥, 汁太杰. 燒味類不錯, 燒鴨叉燒和燒肉屬中上水準. 雞只係普通, 勝在不太肥, 沙薑味甚香, 霸王別雞薑荵好食, 油雞亦夠味唔太咸. 當然啦天王級燒味店陳六記就在不遠處, 其實是沒必要在馬仔記吃燒味的. 再唔係, 海港的燒鵝都頂得兩嘴啦. 咁講來講去, 即係馬仔記除普普通通既小菜之外有何好吃呀? 之唔係蒸魚囉. 不可以和專食海鮮河鮮既地方比, 但係蒸魚火侯控制得宜, 加埋質素稱得上"可人" 的薑荵和豉油, 便很好下飯了. 到冬天就一定來食個醉雞鍋. 雞就唔係特別出色, 但係個湯底好正, 好濃, 藥材味足. 好多時食醉
街坊海鮮小菜館, 環境不能有甚麼要求, 至少伙計都幾好服務. 當然, 呢種服務就梗係好爽好快果種而唔係五星級禮賓司果隻.
點心廿四小時供應, 不過近一兩年質素走下坡, 調味越來越差, 而且D肉既成份有五六成肥, 就算舊時興食肥都無肥得咁交關, 因此點心前祈咪食.
相比下其他食物就真係幾見得人, 如weekdays 既小菜客飯套餐, 例湯油菜一小菜一飯都只係28-32元. 比較差的是魚香茄子, d 肉碎接近全肥, 汁太杰.
燒味類不錯, 燒鴨叉燒和燒肉屬中上水準. 雞只係普通, 勝在不太肥, 沙薑味甚香, 霸王別雞薑荵好食, 油雞亦夠味唔太咸. 當然啦天王級燒味店陳六記就在不遠處, 其實是沒必要在馬仔記吃燒味的. 再唔係, 海港的燒鵝都頂得兩嘴啦.
咁講來講去, 即係馬仔記除普普通通既小菜之外有何好吃呀? 之唔係蒸魚囉. 不可以和專食海鮮河鮮既地方比, 但係蒸魚火侯控制得宜, 加埋質素稱得上"可人" 的薑荵和豉油, 便很好下飯了.
到冬天就一定來食個醉雞鍋. 雞就唔係特別出色, 但係個湯底好正, 好濃, 藥材味足. 好多時食醉雞鍋, d 藥材已煲到溶溶爛爛一pat野, 藥味一早揮發淨盡, 有d 藥材唔係咁襟煲嘛. 呢度就唔同, 湯色甚清, 而且柯打時才加進新的藥材. 兼且碟雞所浸既酒甚有味, 一倒倒晒落去, 食食下就會有點醺醺然. 不過火鍋料就爭少少, 除乾冬菇(已浸發)外無特別野, d 肥牛仲係最差最差肥位全肥瘦位全瘦果隻添! 滑牛就食得下.
anyway都係比個笑臉佢, 因為對一間街坊小菜館黎講, 平均消費三數十元, 有幾樣野算係好食, 再加其他野ok 既, 你仲想點jet?
Post