Brew Note Coffee Roaster (Closed)

星期日一點鬆啲，因男朋友介紹就過去望下。一入去覺得都幾靚，牆身既藍色幾特別！不過佢都多人，我地四個人都等左一陣先有位。佢掛牆既menu都做得幾有特色，亦寫得好清楚咖啡既資料。男朋友想豪一豪，就點左Elida Geisha。Geisha不嬲都貴架喇，$128又唔太難理解既。我唔想飲咖啡，都見佢既non coffee menu幾吸引！見佢既黑糖牛奶話係homemade recipe，就決定試下。Geisha我飲左一啖，係偏淡味同順口的。有時Geisha濃既話好易苦or酸，佢無呢個問題。黑糖牛奶面有一層foamy既黑糖，飲落去係一杯打過既甜牛奶，係幾好飲既！我屋企都有打牛奶既機，可以偷食譜！順便一提，友人叫左杯朱古力，好飲的，都飲得出係靚朱古力！飲品質素確實係幾好。唯獨係店員唔算太友善，係有禮貌既，只係好似唔係好開心既樣，未有賓至如歸既cafe感覺。