老趙 (Closed)

星期六晚上跟朋友來到荷里活廣場， 唔想食大型連鎖店，平時見老趙都要等位， 今日仲有位直入， 裝修普通格局， 有梳化座坐。服務都可以，會主動加水，收碗， 但無咩笑容。食物既上菜速度都快， 可能人少。三個大人叫左個二人餐再加個炒米粉同菜，一杯熱飲品，結賬大概$600二人餐$358 , 點左 A, B, C各一，有兩2杯飲品。串燒（雞，牛，豬）各兩串 - 賣相唔錯， 唔會甩皮甩⻣，啖啖肉味，豬唔「鞋」口，牛有肉汁，雞肉嫩滑。但個醬汁唔夠濃。南薑香茅班頭腩煲 - 煲仔細細但都要幾個純肉， 計埋連魚骨既都有十二三件， 煎得幾香口，個芡幾杰下， 啜下汁都唔到錯， 有洋蔥同甜筍。馬拉盞肉碎炒飯 - 二人餐來說炒飯分量偏少， 炒飯乾身， 用料豐富。 可能揀兩碗生牛肉粉會較飽肚。椰汁木薯綠豆冰 - 唔重椰汁味， 有綠豆蓉，竟然仲有半粒紅棗。馬拉盞炒通菜$58 - 份量少，上菜時， 已經聞到濃郁鹹香味，食落口即時醒神曬，超重口味。蟹頭油蟹肉炒粉絲 $98 - 賣相幾靚，一大堆蟹肉放在粉絲面上， 好足料。 粉絲碎裂， 無咩口感。睇咗其他食評， 還是去佐敦店試一試吧！