皇軒私房菜 (Under Renovation)

<皇軒私房菜@尖沙嘴>精彩私房菜 套餐散嗌樣樣得同朋友食私房菜，一早留左位～ 我地無嗌套餐，反而散嗌，想食乜就嗌乜， free style～～ 好少私房菜會咁做～呢晚前菜食左溏心蛋胡麻沙律 🥗 沙律菜新鮮，fresh到醒神，溏心蛋都好香蛋味。估唔到中式私房菜會咁fusion😂泡椒鳳爪, 辣得嚟開胃，絕對係前菜必點啦～蜜椒牛柳粒 🤤 yummy yummy 甜蜜蜜，薯仔牛柳都包滿蜜糖味，加左少少黑胡椒就更香口～ 宜家諗起都想再食～ 香草燒羊架，本來好擔心會羶，但朋友話想食就無理由咁小家堅持唔食。點知食完從此愛上，不過只會嚟呢度食～ 羊肉完全唔羶，應該好新鮮， 肉燒得香之餘有香草味，而且又夠腍 😋😋😋 不愧呢晚都爆場全滿👍🏻 原來羊架可以咁好食～ 蠔皇花膠玉掌，睇見已經哇一聲。花膠成塊扒，手掌咁大。淨係相機都覺好食～ 玉掌即係鴨掌，火候炆到蠔油入晒味，而且好軟滑 😋😋😋🤤 炒西蘭花🥦 調味蒜香頂呱呱XO醬鮑魚雞粒炒飯，係真鮑魚粒呀～ 雞粒唔洗講，另外仲食到冬菇同XO醬蝦乾，特別香😋食得太飽，食唔到甜品。若然唔係，可以食仙氣菊花豆腐。相機一定會話好食😂👍🏻 🧚🏽😋🍑🍖🍕🌮🥘🍣