餓媽家姐 (Moved) New Location

尖沙咀厚福街美食雲集，係想食小食個時每次都會嚟呢度揾食😋見到呢度開咗間新嘅小食店未試過，叫餓媽家姐，朋友話係omakase 先發現係取佢嘅諧音😂所以我哋就試吓omakase小食～食完午餐唔多夠飽，所以就嗌咗個芝士黑松露安格斯漢堡包🍔漢堡扒寫住係用人手打， 食落去牛肉味好濃，配上竹炭麵包，食落去會有幾種味道喺個口腔裏面爆發朋友鍾意食燒賣，所以我哋就嗌咗一份炸燒賣share食。呢度嘅炸燒賣炸得好好外面好脆，但係裏面仲保持到魚肉嗰種香口，而且醬汁可以任意選擇，我哋配嘅芝士出奇地夾！最後仲嗌咗一份一口和牛嚟滿足我哋兩位食肉獸，份量唔多得六粒，但係價錢非常相宜，過吓口癮真係唔錯！