鴻啤啤串燒 (Closed)

聖誕節好多地方都推出聖誕大餐，想平平地同朋友坐低食個飯吹下水都唔容易，今晚黎到呢間尖沙咀金巴利道既串燒店，入到去已經聞到好香串燒味，食住串燒飲酒吹水夠哂Chill🌟一夜干馬友 呢個一夜干馬友製作需時，不過值得等待既，原條馬友上枱，魚皮燒到脆卜卜但肉質依然保持嫩滑，配埋佢地既秘製醬汁更能提升魚既鮮味🌟蒜蓉燒日本廣島蠔蠔身厚肉飽滿，火侯控制得剛剛好，上面加左蒜蓉，鮮味十足🌟川辣肉碎焗爽滑豆腐麻辣控必試呢個，滑豆腐煎到兩邊金黃色，淋上肉碎同香麻既川式醬汁，夠哂惹味