香港郵意 (Closed)

從雜誌上看到呢間，郵寄為主題嘅餐廳，覺得好得意就約朋友上去食野傾計，估唔到尖沙咀都有咁大嘅cafe，坐得舒服而且食物唔錯！後來上網睇報導發現呢度係活化商場一個項目，我最鍾意佢係半自助式，唔會有人阻你傾計，cashier叫左食物就可以搵位坐，坐幾耐都可以！食物方面，我地叫左巴拿馬火腿火箭菜pizza，焗到剛好，脆口而且番茄醬味道夠濃，好開胃！Pizza好多塊！煙三文魚沙律可以用重量級來形容，因為好大塊啊！而且好厚好多，抵食！硯肉意粉係辣嘅，而且辣得過癮，非常之香口！飲品都有驚喜！抹茶奶冰好滑，唔會太甜，剛好！最後係心太軟，流心朱古力真係睇相都開心！而且配合雪糕，超級順滑！