⭐️ 海鹽朱古力鬆餅
鬆餅外脆內軟，朱古力嘅甜味配上海鹽嘅微鹹，甜中帶咸，絕配！唔使加醬都夠味，Hashtag B 呢個必點！
⭐️ 白粟米酥
白粟米酥脆卜卜，咬落去粟米香氣爆棚，微微嘅奶油味，唔會太甜，外層金黃酥脆，內裡軟糯，食一塊就停唔到口，減肥人士都抵抗唔住😍。
⭐️ 明太子熱狗
明太子熱狗勁正！熱狗腸彈牙多汁，裹住滿滿明太子醬，咸鮮辣勁衝擊味蕾，一啖落去熱辣辣好過癮！麵包烤得香脆，將日式元素加到西式熱狗，好好味。
⭐️ 愛爾蘭咖啡撻
相當有驚喜！撻皮薄脆，內餡混埋威士忌咖啡香，苦甜平衡，微微酒味加持，成個下午精神一振！熱熱地食，撻心軟滑，唔會太膩❤️。
📍Hashtag B (尖沙咀)
尖沙咀加拿芬道49號夏蕙樓地下C號舖
