Seoul Noodles (加連威老道)

Open Now

Now Closed

呢間位於尖沙咀嘅韓國餐廳，上網見到啲菜式都幾吸引，今日得閒約埋朋友一齊過嚟試吓。餐廳裝修簡潔舒服，職員係講韓文嘅，服務態度都幾親切。雞湯麵🍜呢個雞湯麵份量真係好大，有半邊雞，湯底好清甜，配上好煙靭粗身嘅麵條。辣拌麵🍜🌶️呢個拌麵賣相超級吸引，有雞蛋🍳、泡菜、蔥、肉絲等等所製作而成。配料好豐富之餘，個面嘅口感都好彈牙，成個撈埋一齊食真係好正！旁邊仲有額外一兜泡菜可以撈埋一齊食，泡菜食完唔夠仲可以繼續店無限添加😍😍。 韓式傳統餃子🥟最鍾意食韓式餃子，因為佢皮薄餡靚，咬開係充滿肉汁、鮮嫩嘅肉餡。個皮又唔會太硬。