Beef Bang Taiwanese Hot Pot

估唔到係眾多火鍋店林立嘅尖沙咀區都可以搵呢間任食又高質嘅台式火鍋。佢地嘅120分鐘晚市火鍋放題都只係$359至589一位（19：00至20：30），豐儉由人，有牛御品、壽喜燒、牛極品、牛尚品及牛殿品。而家仲有期間限定湯底：泡泡脆米龍蝦鍋或富婆鮑魚鍋。

🌟無限時牛殿品吃到飽套餐 $589 19：00至20：30入座🌟
要試就試最好，仲揀左最新推出嘅泡泡脆米龍蝦鍋。呢個龍蝦鍋鮮味十足，而且龍蝦大大隻，入面嘅龍蝦肉都幾彈牙同爽甜。最推薦係佢地個日本宮崎縣A5和牛，大大碟，脂肪比例岩岩好。其他嘅牛肉例如牛肩胛肉、牛板鍵及牛脷心托都值得一試，全部食得出都係好新鮮。而其他例如日本廣島蠔、手工蝦滑及牛三寶都好新鮮，又夠晒彈牙。

QR落單到上枱都非常快速，自助區仲有多款台灣小食、蔬菜、醬料、一大堆飲品及雪糕等任飲任食。台式diy甜品配料亦好齊全，有芋圓、愛玉、寒天及桃膠等，任你自由配搭。