首先個名已經好有趣，銀屑原來係指普洱茶葉上嘅天然茶氈，即係靚普洱先有嘅標誌！飲落第一啖真係有驚喜——茶底超級濃郁，帶住普洱茶獨有嘅陳香同回甘，完全無被奶味蓋過！奶茶口感順滑得嚟，又保留到普洱嗰種醇厚層次，同一般台式奶茶完全唔同Level！
最正係飲完之後，成個口腔都係普洱茶嘅餘韻，真係成個喉嚨同個口都翻曬風咁，成陣茶香係個口入面停留好耐！甜度叫咗少甜，剛剛好帶出茶味又唔會太膩，飲完成杯都唔會喉嚨乾，證明真材實料！
以咁高質素嘅茶底同獨特性，絕對值回票價！鍾意飲茶同奶茶嘅朋友，呢杯真係要試吓，保證你會愛上嗰種茶香回甘！
