人和月雞煲火鍋店 (Closed)

想同時滿足哂食烤魚同打邊爐兩個願望，搵到呢間位於尖沙咀嘅人和月，套餐除咗包火鍋放題，仲包一款頭盤，可以揀雞煲、酸菜魚、卜卜蜆等，更加可以升級做烤魚。火鍋揀咗呢款晚市精選牛肉吃到飽A ($298/位)，120分鐘包頭盤同任食火鍋，頭盤就+$58升級咗做椰青香茅青檸烤魚(二人份)。先上嘅係送嘅冰頭凍鮑魚同涼拌青瓜。鮑魚爽口彈牙味道鮮甜，仲帶少少酒香。青瓜香辣醒胃。轉個頭烤魚就上枱，已經聞到好香椰青同香茅味，煮滾就食得。先飲一啖湯頭非常鮮甜仲好香椰子味。鱸魚肉質嫩滑，而且骨唔多，食落啖啖肉。食完烤魚已經半飽，跟著就叫店員幫手換火鍋。有8款湯底可以揀，我哋就揀咗胡椒豬肚湯，胡椒咪香濃而且非常足料，有勁多豬肚。餐廳會先上一份美國高級牛肉，入面有牛下肩、牛板腱、牛胸爽、金錢𦟌同雪花肥牛。除咗牛下肩之外，其他都可以無限添食。牛下肩肉質腍嫩、牛板腱肉味香濃、牛胸爽則爽口彈牙。任食嘅仲有日本黑豚肉、豚肉五花片、花雕醉雞、鯇魚片、海蝦、鮮打墨魚滑同蝦滑，亦都可以去自助吧拎蔬菜同丸類。飲品除咗一般嘅罐裝飲品呢度仲有自家製嘅菊花露、洛神花茶同水果茶等，清熱解渴透心涼。甜品方面除咗有雪糕仲有水果、仙草、芋丸同豆