首先必點海鮮煎餅～ 一上枱就聞到超香脆！煎到金黃色嘅餅邊脆卜卜，但中間保持軟糯，啖啖都食到魷魚、蝦仁同蔥段，海鮮份量絕唔孤寒。最正係個秘製醬汁，酸酸甜甜帶少少辣，完美襯托出海鮮嘅鮮味。成塊餅外脆內軟，口感豐富到呢～ 我同朋友爭住食，瞬間清碟！
另一招牌懷舊烤五花肉真係無得輸！肥瘦均勻嘅厚切五花肉，店員會幫你即場烤到滋滋作響，睇見都流口水！烤到外皮香脆，入口即化，油脂香爆棚但完全唔膩。用新鮮生菜包住，加埋泡菜、蒜片同韓式醬料，一啖放入口，層次感十足，簡直係罪惡級美味！
呢度環境有韓國街頭風，食物質素高，而且價錢合理。兩款主食都做得相當出色，絕對會再encore！如果你都係韓食愛好者，呢間「包車」真係要上車試吓啦～
